Book 1, page 1: Huitzilopochtli
Inic ce amoxtli oncan motenehua in teteoh:in quinmoteotiayah in nican tlacah.
Inic ce capitulo, intechpa tlahtoa, in oc cenca tlapanahua teteoh: in quinoteotiaya ihuan in quintlamaniliaya in ye huecauh.
Huitzilopochtli: zan macehualli zan tlacatl catca: nahualli, tetzahuitl, atlacacemele, teixcuepani: quiyocoyani in yaohuitl, yaotecani, yaohtlatoani.
Ca itechpa mihtoaya, tepan quitlaza in xiuhcoatl, in mamalhuaztli. Yaohuitl, teoatl, tlachinolli. Auh in icuac ilhuiquixtilioya malmicoaya tlaaltiilmicoaya: tealtiaya, in pochtecah.
Auh inic mochichihuaya: xiuhtotonacocheh catca, xiuhcoanahualeh, xiuhtlalipleh, matacaxeh, tzitizleh, oyohualeh.
Book 1, page 5: Tezcatlipoca
Inic eyi, capitulo, itechpa tlahtoa in teotl, in itoca Tezcatlipoca: in quimoteotiayah, ihuan in quitlamaniliayah, ye huecauh.
Tezcatlipoca: inin huel teotl ipan machoya, nohuiyan inemiyan: Mictlan, tlalticpac, ilhuicac. In icuac nemiya tlalticpac, yehuatl quiyolitiaya, in teuhtli tlazolli: cococ teopouhqui, quiteittitiaya.
Tetzala, tenepantla motecaya: ipampa y, mihtoaya necoc yaotl, mochi quiyocoyaya, quitemoyaya, quitequitiaya, in ixquich acualli tepan mochioaya: teca mauiltiaya, tequequeloaya.
Auh in quemman, quitemacaya, in necuiltonolli: in tlatquitl, in oquichiotl, in tiacauhiutl, in tecuiotl, in tlatocahuitl, in pillotl, in mahuizotl
Book 1, page 7: Tlaloc
Inic naui capitulo, itechpa tlahtoaya in teotl, in itoca Tlaloc, tlamacazqui.
Tlaloc, tlamacazqui: inin ipan machoya, in quiauitl: ca yehuatl quiyocoaya quitemoaya, quipixoaya, in quiauitl, ihuan in tecihuitl: quixotlaltiaya, quitzmolinaltiaya, quixoxohuiyaltiaya, quicueponaltiaya, quizcaltiaya, in cuahuitl, in zacatl, in tonacayotl, Ihuan no itech tlamiloya, in teilaquiliztli, in tlauitequiliztli.
Auh inic Mochichihuaya, tlaixtlilpopotzalli, tlaixolhuilli, motlilozac, ixmichiohueh, ixmichioauhio, ahuachxicoleh, aiauhxicoleh, aztatzoneh, chalciuhcozqueh, pozolcaqueh, no tzitzileh, aztapilpaneh.
Book 1, page 9, Quetzalcoatl
Inic macuilli capitulo, itechpa tlahtoa in teotl, in itoca Quetzalcoatl.
Quetzalcoatl: in ehecatl inteyacancauh intlachpancauh in Tlaloque, in ahuaqueh, in quiquiauhti. Auh in iquac molhuia eheca, mihtoa: teuhtli ququlaca, icoyoca tetecuica, tlatlayoya, tlatlalpitza, tlatlazini, motlatlahueltia.
Auh ihui in mochichihuaya: ocelocopileh, mixtlilpopotz, hecanechioaleh, mizquinechioaleh, tzicoliuhcanacocheh, teocuitlaacuechcozqueh, quetzalcoxollamamaleh, ocelotzitzileh, icpaomicicuileh, hecacozcachimaleh, hecahuiqueh, no pozolcaqueh
Book 1, Cihuacoatl
Inic chicuace capitulo: oncan motenehua, in oc cenca tlapanaya in cihuateteoh: in quinmoteotiaya, in quinteotlapiquiaya in nican tlacah.
Cihuacoatl tecuani: ihuan tetzahuitl, tetetzahuiani, icnoyotl quiteittitiya: ca mihtoaya, huictli mecapalli, quitemacaya ic temotlaya
Auh inic moteittitiaya, motenextiliaya: iuhquin tecpan cihuatl, nanacocheh, iitznacocheh, iztayan moquetza, iztayan actica, izteacatla icaya, iztacticac, huel pani quiquetza in ineaxtlaoal, in iaxtlacuil,
Yohualtica chocatinenca, tecoyouhtinenca, no yaotetzahuitl catca.
Auh ihui mochichihuaya ixiptla, in ixayac, centlacochichiltic, centlacotliltic, yuiquatzoneh, teocuitlanacocheh, quechquemitl, xiuhtzotzopaceh
Book 1, page 13 – Chicomecoatl
Inic chicome capitulo: oncan motenehua, in cihuateotl: in itoca, chicome coatl.
Chicome coatl: yehuatl ipan mixehuaya, quimixiptlatiaya, in tonacayotl: ihuan in zazo tlein inenca, iyolca macehualli, in iya in cualo.
Aw ihui in nechichioaleh catca; ixtlauhxaoaleh, amacaleh, axochihuipileh, axochiacueieh, no pozolcaqueh, tonalchimaleh, tonatiuhchimaleh.
Book 1, page 15 – Teteoh Innan
Inic chicoeyi capitulo: onca motenehua, in cihuateotl, in itoca: Teteoh innan: no motocayotia, Tlalli Iyollo ihuan Toci.
Innan catca in teteoh quimoteotiaya in titicih, in teitzminque, tetlanoquilique, teixpatique.
Auh in cihuah temixiuitique, tepillalilique, tetlatlaxilique, tlapouhque, atlan teittani, tlaolchaiauhque, mecatlapouhque, tetlacuicuilique, tetlanocuilanque, teixocuilanque.
No yehuantin quitlatlauhtiaya, in temazcalequeh; ipampa y, quitlaliliaya in ixiptla, in temazcalixquac, quitocayotiaya, temazcalteci.
Auh in icuac in ye ilhuiquixtililoya, in ye imiquiztequippa: in yehuantin titicih, in ixiptla catca teteoh innan, quitlanenectiaya, quitlanenequiltiaya, quiceceltiaya, haquichoctlanya, quitlatlahtitiaya, momiquizquequeloaya, quinecaliltiaya, quiyaochioaya, quitlacaoachiliaya, coyoiaya, tlauiznextiloya, netlauizmacoya, netlauhtiloya: in quimiliuhca mochioay in tiiacaoa ic quintizauiaya, ic quinpotoniaya, quimotzacuilitiuya, ic pani moquetzaya.
Auh in icuac onmic, in ixiptla: niman ce tlacatl onmaquiaya, in iehuayo innepantla hualmoquetzaya omentin icuexoa quihuicaya, quitzatzacuitiuiya
Motizauique, motlotlouitecque, zan, pepetlauhtihui, in memecamaxtli: amacalli in quimama, mahmalacaquetzallo, ichcaxochiyo, hiuiquetzallo:
Ompa concahua in Tocititlan: cuauhtlapechco contlaliaya in iehuayo.
Auh inic nechichihualli, motenolcopi, tlaxapochtli quimotlatlalili in icamapa ichcaxochihua, zoyatemale, cuechcueieh, mocuechcueti: ic mihtoa, citlali icue, citlalcueieh, cuahuih, tzetzeliuhqui in huipil, cuauhtzetzeliuhqui, iztac cuauihuio, cuauchteuitzzo; in ichimal, teucuitlaytixapo, totoicxio, popohuah, izquice
Book 1, page 17 – Tzapotlan Tenan
Inic chiconahui, capitulo: oncan motenehua in cihuateotl, in itoca Tzapotla tena.
Ce cihuatl, ipan mixehuaya, in oxtail inacayo mochihuaya:
Quipalehuia in tenacayo, in aquin cuaxococihui, tozcamia
Book 11, page 90 – Ants
Achi huei, quipanahuia in tlatauhqui, cenca izozic, achi chichiltic: auh iuhquin tlatlactomio, atle itequiuh zan monenemitia: inic mihtoa icel azcatl, zan icel in nenemi, amo ontematinemi, amo no eheteietinemi, iuhquin oc cequin azcameh, tel miequin, mieccan itto, namico, cenmatinemi.
Itech mihtoa cuahuitl, ihuan azcatl: ipampa cuauhtitech, cuauhpalanitech yoli, in tlacati: auh inic huei quipanahui, quinenehuilia in tlatlahuic azcatl, melacpol, mahuihuicequi achi tlatlauhque, in ochicahuaque: no tecuani, no iztlaque, no iuhquin tlatlahuic azcatl, zan huel no iuhquin in icel azcatl.
Itech mihtoa in cuitlatl, ihuan azcatl: ipampan cuitlayac, ini cequi achi nextique, camiltique, cequi cozyayactique: oncan tlacati in metzonco, in cuitlatitlan in tlazoltitlan: no tequapipiloa, no tetoneuhque. Auh amo zan quezquin nemi: cenca miequintin nemiololiuhtinemi: auh inic otlatoca, zan motecpana, mohuipana, patlahuatihui: anozo zan cenpanti.
No itoca tzicatl yehuantin in tlaitztiaya nemi tepitoton; tlallan, metzonco in tlacati: auh no tecuanipipil. Auh in icuac xopa: motataca manilla in ipilhoa, iztaque iuhquin iztac ocuilton: cualo, huelique, miequin mopaoaci: huel intoca tzicameh, anozo mihtoa azcamolli.
In yehuatl in motenehua Titlacahuan quihtoaya ca yehuatl Ilhuicahua and it was said that he is the owner of the sky and the Earth, yehuan they mochi all huel
It was said that he is the owner of the sky and the Earth and for them, he makes everything
Book 12
Page 1
Inic mahtlactli once amoxtli, intechpa tlahtoa, in nepapan yolque: In totomeh, in mimichtin: ihuan in cuauitl, ihuan in xihuitl: in tlallan onoc tepoztli, amochitl, temetztli, ihuan oc cequin, ihuan in nepapan tetl.
Inic ce capitulo: intechpa tlahtoa in yolque, in manehnemi. Inic ce parrapho: intechpa tlahtoa in tecuanimeh.
Cuauhtla chaneh, texcalco chaneh, atlan chaneh: tecpilli tlazopilli: quil inpilo intlatocauh in yolque: mimati moye
Book 12 – the conquest
Inic mahtlactetl omome amoxtli, itechpa tlahtoa in quenin mochiuh yaoyotl in nican ipan altepetl Mexihco.
Inic ce capitulo oncah mihtoa in nez, in mottac in macchiotl ihuan in tetzahuitl, in ayamo no iximachoa in nican chanequeh.
In ayamo huallaci Espanoles, oc matlacxihuitl, centlamatli tetzahuitl achto nez, ilhuicatitech, iuhquin in tlemiyaoatl, iuhquin in tlecuezalotl, iuhquin tlahuizcalli, pipixauhticaca inic necia, iuhquin ilhuicatl quizoticac: tzimpatlayoac, quapitzayoac: huel inepantla in ilhuicatl; huel iyollo in aciticac ilhuicatl, wel ilhuicayollotitech aciticac, in auh ittoya ompa tlapcopa: in yoalmoquetzaya, auh onquiz yohualnepantla in necia tlathuiliaya, ipan tlathuia, yehuatl quihualpoloaya in tonatiuh, in quenmanian quihtoa. Nonopilhuantzitzin, campa naechnohuiquiliz
Leave a Reply